ავტორიზაცია
ალვარესი, გალაგერი, ლე ნორმანი, სორლოტი და €190-მილიონიანი დანახარჯი | საიდან მოიტანა ატლეტიკომ ეს ფული?
მიმდინარე სატრანსფერო ფანჯრის წყნარი სტარტის შემდეგ, მადრიდის ატლეტიკო გააქტიურდა და რამდენიმე გამორჩეული ტრანსფერი განახორციელა.
სულ რაღაც 2 კვირის წინ, "როხიბლანკო" ჟირონადან არტიომ დოვბიკის შეძენასთან ახლოს იყო, მაგრამ უკრაინელი რომაში გადავიდა. მისმა აგენტმა, ალექსეი ლუნდოვსკიმ 26 ივლისს Ukrfootball-ს უთხრა: "ატლეტიკო დიდებული კლუბია, მაგრამ არტიომისთვის იქ სერიოზული პროექტი ვერ ვნახეთ."
იმედგამაცრუებელი 2023/24 წლების სეზონის შემდეგ, ასეთი განწყობა ჰქონდათ ატლეტიკოს გულშემატკივრებსაც, მაგრამ კლუბი ფანებს დაჰპირდა, რომ "როხიბლანკოში" რევოლუცია მოხდებოდა და ახალ სეზონს ლა ლიგის ერთ-ერთი ფავორიტის რანგში შეხვდებოდა.
ივლისის ბოლოს ატლეტიკოს 1 ფეხბურთელიც არ ჰყავდა გაფორმებული, თუმცა ბოლო 2 კვირის განმავლობაში კლუბი ძალიან გააქტიურდა და მნიშვნელოვან გარიგებებს მიაღწია. მადრიდელებმა რობინ ლე ნორმანი და ალექსანდრ სორლოტი დაიმატეს, მალე კი ხულიან ალვარესი და კონორ გალაგერიც შეუერთდებიან.
საინტერესოა, როგორ მოახერხა ატლეტიკომ ამის გაკეთება?
განადგურება დორტმუნდში
გასულ სეზონში ჩემპიონთა ლიგიდან გავარდნა ატლეტიკოსთვის ძალიან რთული იყო, რადგან მათთვის პრაქტიკულად ყველაფერი დასრულდა. დიეგო სიმეონეს გუნდს მეოთხედფინალის პირველი მატჩი მოგებული ჰქონდა და ნახევარფინალში გასვლასთან ახლოს იყო, მაგრამ განმეორებითი შეხვედრა 2-4 წააგო და ტურნირს გამოეთიშა.
მეორე მატჩში გამოჩნდა, რომ ატლეტიკოს გასვლაზე თამაში ძალიან უჭირდა. ზოგადად, გასულ სეზონში გუნდმა 68 გოლი გაუშვა, რაც ჩოლო სიმეონეს 13-წლიან კარიერაში ანტირეკორდია.
შემოსავლების ზრდა
დორტმუნდში განცდილი კრახის მიუხედავად, ატლეტიკოს თავს კარგი ამბავიც მოხდა: ჩემპიონთა ლიგიდან ბარსელონას გავარდნის წყალობით, მადრიდელებმა მსოფლიო საკლუბო ჩემპიონატის საგზური მოიპოვეს, ამ ტურნირზე მონაწილეობა კი უკვე გარანტირებულ მინიმუმ €50 მილიონს ნიშნავს.
გარდა ამისა, კლუბმა აქციების გაყიდვით €70 მილიონი გამოიმუშავა და პლუს, ფეხბურთელების გასხვისებითაც საკმაოდ დიდი მოგება ნახა.
მოულოდნელი მილიონები ომოროდიონის ტრანსფერიდან
ატლეტიკოს ქომაგები ახალი ფეხბურთელების დეფიციტით უკმაყოფილონი იყვნენ, მაგრამ კლუბმა რამდენიმე მოთამაშისთვის კონტრაქტის გაწყვეტითა და გაყიდვით €50 მილიონამდე გამოიმუშავა. ამასთან, მადრიდელები იმედოვნებენ, რომ ჟოაუ ფელიქსის მყიდველიც გამოჩნდება, რადგან პორტუგალიელი სიმეონეს გეგმებში არ შედის.
გუნდი, შესაძლოა, ანტუან გრიზმანმაც დატოვოს. მისი კონტრაქტი დასასრულს უახლოვდება. ფრანგის მიმართ ინტერესს ლოს ანჯელესი იჩენს.
ასევე, აღსანიშნავია, რომ ატლეტიკო, სავარაუდოდ, სამუ ომოროდიონის სანაცვლოდ, რომელიც ჩელსიში გადასვლასთან ახლოსაა, €40 მილიონს მიიღებს. "როხიბლანკომ" ახალგარზდა ფეხბურთელი გასულ წელს მხოლოდ და მხოლოდ €6 მილიონად შეიძინა და მადრიდულ გუნდში 1 მატჩიც კი არ ჩაუტარებია.
წმენდა
ალვარო მორატას წასვლამ საკმაოდ დიდი რეზონანსი გამოიწვია, რადგან მან გასულ სეზონში 21 გოლი გაიტანა და ესპანეთის ნაკრებთან ერთად ევროპის ჩემპიონი გახდა. თუმცა, ის დიდად სტაბილური არ იყო და სეზონის მეორე ნახევარში მოუკლო - თებერვლის შემდეგ მის ანგარიშზე მხოლოდ 2 გოლი იყო. დორტმუნდთან მატჩში სიმეონემ მორატა მოედნიდან შესვენებაზევე გაიყვანა, რაც აჩვენებს, რომ არგენტინელი მას არ ენდობოდა.
გარდა ამისა, ალვარო გუნდში ერთ-ერთი ყველაზე მაღალანაზღაურებადი ფეხბურთელი იყო. მისი მილანში €13 მილიონად გაყიდვა ნამდვილად გონივრული გადაწყვეტილებაა, თანაც იმის ფონზე, რომ ესპანელი უკვე 31 წლისაა.
შესანიშნავი ტრანსფერები
გაყიდვებიდან ნაშოვნი თანხა ატლეტიკომ ჭკვიანურად დახარჯა. სორლოტი გუნდს ვილიარეალში გატარებული დიდებული სეზონის (23 გოლი) შემდეგ შეუერთდა, ხულიან ალვარესს კი იმის პოტენციალი უდავოდ აქვს, რომ გუნდის ერთ-ერთი ლიდერი გახდეს - არგენტინელი პირველად მიიღებს შანსს, რომ ევროპული გრანდის სასტარტო შემადგენლობის რეგულარული წევრი იყოს და დიდი მოტივაცია ექნება.
რაც შეეხება გალაგერს - შესაძლოა, ინგლისელი ევროპის ჩემპიონატზე კარგად ვერ გამოიყურებოდა, მაგრამ ჩანს, რომ ის სიმეონეს ფილოსოფიას მოერგება. ჩელსის აკადემიის პროდუქტი ძალიან მშრომელი ფეხბურთელია, პრესინგით არ იღლება და საგოლე მომენტების შექმნა შეუძლია.
კოკე, როდირგო დე პოლი, ტომა ლემარი, სამუელ ლინო, მარკოს ლიორენტე და არტურ ვერმეერენი (ეს უკანასკნელი, შესაძლოა, გაანათხოვრონ) ჯერ კიდევ ჩოლოს განკარგულებაში არიან, შესაბამისად, არგენტინელს ნახევარდაცვაში საკმაოდ დიდი არჩევანი აქვს.
რეალ მადრიდის მთავარი კონკურენტები?
ნახევარდაცვისგან განსხვავებით, ატლეტიკოს დაცვა არცისე სოლიდურია. რობინ ლე ნორმანი პერსპექტიული შენაძენია, მაგრამ, დიდი ალბათობით, ის უკანახაზის პრობლემებს მარტო სრულად ვერ მოაგვარებს. გარდა ამისა, გუნდი ოთხმა მცველმა დატოვა, და ფანებს იმედი აქვთ, რომ კლუბი ამ პოზიციის ფეხბურთელებს დაიმატებს.
სატრანსფერო ფანჯარაზე საწყისი პასიურობის მიუხედავად, ქომაგები ატლეტიკოს მიერ განხორციელებული ტრანსფერებით აღფრთოვანებულნი არიან და ტიტულზე ოცნებობენ. თუმცა, გასული სეზონის მეოთხეადგილოსნის ჩემპიონობა მარტივი არ იქნება.
რეალ მადრიდი უფრო ძლიერი ჩანს, განსაკუთრებით, კილიან მბაპესა და ენდრიკის დამატების შემდეგ. კარლო ანჩელოტის კვლავ ტოპ გუნდი ჰყავს, მაგრამ ატლეტიკოს ხელწამოსაკრავი მეტოქე არ იქნება და, შესაძლოა, ფინანსურად ცუდ მდგომარეობაში მყოფ ბარსელონას აჯობოს.
ლოდინის მიუხედავად, ატლეტიკოს სერიოზულ პროექტს იწყებს...
სულ რაღაც 2 კვირის წინ, "როხიბლანკო" ჟირონადან არტიომ დოვბიკის შეძენასთან ახლოს იყო, მაგრამ უკრაინელი რომაში გადავიდა. მისმა აგენტმა, ალექსეი ლუნდოვსკიმ 26 ივლისს Ukrfootball-ს უთხრა: "ატლეტიკო დიდებული კლუბია, მაგრამ არტიომისთვის იქ სერიოზული პროექტი ვერ ვნახეთ."
იმედგამაცრუებელი 2023/24 წლების სეზონის შემდეგ, ასეთი განწყობა ჰქონდათ ატლეტიკოს გულშემატკივრებსაც, მაგრამ კლუბი ფანებს დაჰპირდა, რომ "როხიბლანკოში" რევოლუცია მოხდებოდა და ახალ სეზონს ლა ლიგის ერთ-ერთი ფავორიტის რანგში შეხვდებოდა.
ივლისის ბოლოს ატლეტიკოს 1 ფეხბურთელიც არ ჰყავდა გაფორმებული, თუმცა ბოლო 2 კვირის განმავლობაში კლუბი ძალიან გააქტიურდა და მნიშვნელოვან გარიგებებს მიაღწია. მადრიდელებმა რობინ ლე ნორმანი და ალექსანდრ სორლოტი დაიმატეს, მალე კი ხულიან ალვარესი და კონორ გალაგერიც შეუერთდებიან.
საინტერესოა, როგორ მოახერხა ატლეტიკომ ამის გაკეთება?
განადგურება დორტმუნდში
გასულ სეზონში ჩემპიონთა ლიგიდან გავარდნა ატლეტიკოსთვის ძალიან რთული იყო, რადგან მათთვის პრაქტიკულად ყველაფერი დასრულდა. დიეგო სიმეონეს გუნდს მეოთხედფინალის პირველი მატჩი მოგებული ჰქონდა და ნახევარფინალში გასვლასთან ახლოს იყო, მაგრამ განმეორებითი შეხვედრა 2-4 წააგო და ტურნირს გამოეთიშა.
მეორე მატჩში გამოჩნდა, რომ ატლეტიკოს გასვლაზე თამაში ძალიან უჭირდა. ზოგადად, გასულ სეზონში გუნდმა 68 გოლი გაუშვა, რაც ჩოლო სიმეონეს 13-წლიან კარიერაში ანტირეკორდია.
შემოსავლების ზრდა
დორტმუნდში განცდილი კრახის მიუხედავად, ატლეტიკოს თავს კარგი ამბავიც მოხდა: ჩემპიონთა ლიგიდან ბარსელონას გავარდნის წყალობით, მადრიდელებმა მსოფლიო საკლუბო ჩემპიონატის საგზური მოიპოვეს, ამ ტურნირზე მონაწილეობა კი უკვე გარანტირებულ მინიმუმ €50 მილიონს ნიშნავს.
გარდა ამისა, კლუბმა აქციების გაყიდვით €70 მილიონი გამოიმუშავა და პლუს, ფეხბურთელების გასხვისებითაც საკმაოდ დიდი მოგება ნახა.
მოულოდნელი მილიონები ომოროდიონის ტრანსფერიდან
ატლეტიკოს ქომაგები ახალი ფეხბურთელების დეფიციტით უკმაყოფილონი იყვნენ, მაგრამ კლუბმა რამდენიმე მოთამაშისთვის კონტრაქტის გაწყვეტითა და გაყიდვით €50 მილიონამდე გამოიმუშავა. ამასთან, მადრიდელები იმედოვნებენ, რომ ჟოაუ ფელიქსის მყიდველიც გამოჩნდება, რადგან პორტუგალიელი სიმეონეს გეგმებში არ შედის.
გუნდი, შესაძლოა, ანტუან გრიზმანმაც დატოვოს. მისი კონტრაქტი დასასრულს უახლოვდება. ფრანგის მიმართ ინტერესს ლოს ანჯელესი იჩენს.
ასევე, აღსანიშნავია, რომ ატლეტიკო, სავარაუდოდ, სამუ ომოროდიონის სანაცვლოდ, რომელიც ჩელსიში გადასვლასთან ახლოსაა, €40 მილიონს მიიღებს. "როხიბლანკომ" ახალგარზდა ფეხბურთელი გასულ წელს მხოლოდ და მხოლოდ €6 მილიონად შეიძინა და მადრიდულ გუნდში 1 მატჩიც კი არ ჩაუტარებია.
წმენდა
ალვარო მორატას წასვლამ საკმაოდ დიდი რეზონანსი გამოიწვია, რადგან მან გასულ სეზონში 21 გოლი გაიტანა და ესპანეთის ნაკრებთან ერთად ევროპის ჩემპიონი გახდა. თუმცა, ის დიდად სტაბილური არ იყო და სეზონის მეორე ნახევარში მოუკლო - თებერვლის შემდეგ მის ანგარიშზე მხოლოდ 2 გოლი იყო. დორტმუნდთან მატჩში სიმეონემ მორატა მოედნიდან შესვენებაზევე გაიყვანა, რაც აჩვენებს, რომ არგენტინელი მას არ ენდობოდა.
გარდა ამისა, ალვარო გუნდში ერთ-ერთი ყველაზე მაღალანაზღაურებადი ფეხბურთელი იყო. მისი მილანში €13 მილიონად გაყიდვა ნამდვილად გონივრული გადაწყვეტილებაა, თანაც იმის ფონზე, რომ ესპანელი უკვე 31 წლისაა.
შესანიშნავი ტრანსფერები
გაყიდვებიდან ნაშოვნი თანხა ატლეტიკომ ჭკვიანურად დახარჯა. სორლოტი გუნდს ვილიარეალში გატარებული დიდებული სეზონის (23 გოლი) შემდეგ შეუერთდა, ხულიან ალვარესს კი იმის პოტენციალი უდავოდ აქვს, რომ გუნდის ერთ-ერთი ლიდერი გახდეს - არგენტინელი პირველად მიიღებს შანსს, რომ ევროპული გრანდის სასტარტო შემადგენლობის რეგულარული წევრი იყოს და დიდი მოტივაცია ექნება.
რაც შეეხება გალაგერს - შესაძლოა, ინგლისელი ევროპის ჩემპიონატზე კარგად ვერ გამოიყურებოდა, მაგრამ ჩანს, რომ ის სიმეონეს ფილოსოფიას მოერგება. ჩელსის აკადემიის პროდუქტი ძალიან მშრომელი ფეხბურთელია, პრესინგით არ იღლება და საგოლე მომენტების შექმნა შეუძლია.
კოკე, როდირგო დე პოლი, ტომა ლემარი, სამუელ ლინო, მარკოს ლიორენტე და არტურ ვერმეერენი (ეს უკანასკნელი, შესაძლოა, გაანათხოვრონ) ჯერ კიდევ ჩოლოს განკარგულებაში არიან, შესაბამისად, არგენტინელს ნახევარდაცვაში საკმაოდ დიდი არჩევანი აქვს.
რეალ მადრიდის მთავარი კონკურენტები?
ნახევარდაცვისგან განსხვავებით, ატლეტიკოს დაცვა არცისე სოლიდურია. რობინ ლე ნორმანი პერსპექტიული შენაძენია, მაგრამ, დიდი ალბათობით, ის უკანახაზის პრობლემებს მარტო სრულად ვერ მოაგვარებს. გარდა ამისა, გუნდი ოთხმა მცველმა დატოვა, და ფანებს იმედი აქვთ, რომ კლუბი ამ პოზიციის ფეხბურთელებს დაიმატებს.
სატრანსფერო ფანჯარაზე საწყისი პასიურობის მიუხედავად, ქომაგები ატლეტიკოს მიერ განხორციელებული ტრანსფერებით აღფრთოვანებულნი არიან და ტიტულზე ოცნებობენ. თუმცა, გასული სეზონის მეოთხეადგილოსნის ჩემპიონობა მარტივი არ იქნება.
რეალ მადრიდი უფრო ძლიერი ჩანს, განსაკუთრებით, კილიან მბაპესა და ენდრიკის დამატების შემდეგ. კარლო ანჩელოტის კვლავ ტოპ გუნდი ჰყავს, მაგრამ ატლეტიკოს ხელწამოსაკრავი მეტოქე არ იქნება და, შესაძლოა, ფინანსურად ცუდ მდგომარეობაში მყოფ ბარსელონას აჯობოს.
ლოდინის მიუხედავად, ატლეტიკოს სერიოზულ პროექტს იწყებს...
