ავტორიზაცია
ალვარო მორატა: ჩანს, რომ ატლეტიკოსთვის პრიორიტეტი არ ვარ
მადრიდის ატლეტიკოს ცენტრფორვარდი, ალვარო მორატა ამბობს, რომ ზაფხულის სატრანსფერო ფანჯარაზე კლუბიდან წასვლას არ გამორიცხავს.
"პრესაში ვნახე, რომ ატლეტიკოს 8 თავდამსხმელის მოყვანა სურს. პირდაპირ ვიტყვი... როგორც ჩანს, კლუბის პრიორიტეტი არ ვარ. ოქტომბერში 32 წლის ვხვდები. არ შემიძლია, აქ დავრჩე და არ ვითამაშო.
ჩემთვის უფრო მარტივი გამოსავალი ესპანეთის დატოვება და საზღვარგარეთ თამაში იქნება. ჩემი შვილებიც კი ვერ იგებენ, ასეთ კრიტიკას რატომ ვიღებ.
სიმეონესთან პრობლემები არ მაქვს, მაგრამ არ ვიცი, მის გეგმებში ვარ თუ არა," - განაცხადა ესპანელმა El Larguero-სთან ინტერვიუში.
მორატას "როხიბლანკოსთან" კონტრაქტი 2026 წლის 30 ივნისამდე აკავშირებს.
