"ამ გოლით კრაკოვიას სასტარტოს მიუახლოვდა" - პოლონური პრესა კაკაბაძეზე
საქართველოს ნაკრების მარჯვენა მცველ ოთარ კაკაბაძისთვის რაკუვის კარში გატანილი გოლის შემდეგ კლუბში სიტუაცია საგრძნობლად შეიცვლება.
ამის შესახებ პოლონური გამოცემა przegladsportowy იუწყება და წერენ, რომ 28 ნოემბერს პლოცკის ვისლას წინააღმდეგ საქართველოს ნაკრების მცველი სასტარტო შემადგენლობაში იქნება.
"ოთარ კაკაბაძის საოცარმა დარტყმამ კრაკოვიას რაკუვის წინააღმდეგ 3 ქულა მოუტანა. ქართველი უკვე თამამ განცხადებას აკეთებს, ძირითად შემადგენლობაში მოსახვედრად.
26 წლის მცველმა სეზონის ერთ-ერთი საუკეთესო გოლი გაიტანა, თუ არა საუკეთესო და მწვრთნელის თვალში დიდი პლიუსები ჩაიწერა. ზუსტად ამ გოლით კაკაბაძე სასტარტო შემადგენლობას მიუახლოვდა," - წერს przegladsportowy.
ოთარ კაკაბაძე კრაკოვიაში 2021 წლის ზაფხულში თავისუფალი აგენტის სტატუსით გადავიდა. მას შემდეგ მხოლოდ ორჯერ ითამაშა სასტარტო შემადგენლობიდან, 5-ჯერ კი თამაშში სკამიდან ჩაერთო და ორჯერ გაიტანა. ბოლო ტურში სწორედ ქართველის ერთადერთი გოლით მოიგო კრაკოვიამ რაკუვის წინააღმდეგ.
