ავტორიზაცია
ამ სეზონში ხელფასი არ აუღიათ - ეროვნული ლიგის გუნდი დაშლის პირასაა?
გასული წლიდან მოყოლებული, ქობულეთის "შუქურაში" ფინანსური პრობლემებია, თუმცა ამის მიუხედავად, გუნდმა ეროვნულ ლიგაში ასვლა შეძლო და გუნდიც დაკომპლექტდა.
მიუხედავად იმისა, რომ უჩა სოსიაშვილის გუნდს წინა სასეზონო შეკრება არ გაუვლია, ახალ სეზონს მეტ-ნაკლებად მომზადებული შეხვდა.
მაგრამ პრობლემა, რომელიც კლუბს გასული სეზონიდან თან სდევს, კვლავ მოუგვარებელია და ჩვენი ინფორმაციით, "შუქურას" ფეხბურთელებს ხელფასი ამ სეზონშიც არ აუღიათ.
მეტიც, კლუბის ხელმძღვანელობამ წინა წლის დავალიანებაც ვერ გაისტუმრა, რაც საკმაოდ დიდ ციფრებს ითვლის.
თუ ასე გაგრძელდა, არ არის გამორიცხული, "შუქურა" მალევე დაიშალოს. გასაკვირი არაა, რომ ამის ფონზე გუნდს ცუდი შედეგები აქვს და "სამტრედიასთან" ერთად ბოლო ადგილზეა.
"თელავთან" გასამართ გასვლით მატჩში კი საერთოდ შეკრება არ ჰქონდათ და კახეთში თამაშის დღეს ჩავიდნენ. ის მატჩი ფრედ დასრულდა.
