"ამას ინანებ" | ფლორენტინო პერესმა მარკო ასენსიოს მომავალი იწინასწარმეტყველა

2023 წელს მარკო ასენსიო რეალ მადრიდიდან პარი სენ-ჟერმენში გადავიდა.

როგორც ირკვევა, მადრიდელთა პრეზიდენტმა, ფლორენტინო პერესმა ტრანსფერამდე ესპანელ ფეხბურთელს უთხრა: "თუ წახვალ, ინანებ."

შეიძლება ითქვას, რომ პერესის ვარაუდი გამართლდა, რადგან პარიზში ასენსიოს კარიერა ვერ აეწყო. მან ლუის ენრიკეს ნდობაც დაკარგა და სათამაშო დრო არ აქვს.

რეალ მადრიდში მარკო მნიშვნელოვანი ფიგურა იყო და გუნდთან ერთად ზედიზედ 3 ჩემპიონთა ლიგა მოიგო.

ასენსიოს პსჟ-თან კონტრაქტი 2026 წლის 30 ივნისამდე აკავშირებს, თუმცა მისი პარიზული მომავალი ბუნდოვანია.