ავტორიზაცია
"ამის გამო იმედგაცრუებული ვარ" - კაკაბაძე სადებიუტო გოლის შემდეგ
პოლონური ექსტრაკლასას მე-10 ტურში კრაკოვიასა და სტალ მიეცის მატჩი ფრედ, 3-3 დასრულდა.
შეხვედრის 62-ე წუთზე კრაკოვიას შემადგენლობაში სადებიუტო გოლი საქართველოს ნაკრების მარჯვენა მცველმა ოთარ კაკაბაძემ გაიტანა, რომელიც თამაშში 46-ე წუთიდან ჩაერთო.
VIDEO: ნაკრებში გოლით მოდის - კაკაბაძემ პოლონეთში სადებიუტო გოლი გაიტანა
მატჩის დასრულების შემდეგ ქართველმა მცველმა კრაკოვიას ოფიციალურ ვებგვერდთან ისაუბრა.
"იმედგაცრუებულო ვარ, რადგან 3 ქულა ვერ მოვიპოვეთ და შეგვიძლია ვთქვათ, რომ ორი ქულა დავკარგეთ. თუმცა, პოზიტიური ის იყო, რომ მეორე ტაიმში თამაშში დავბრუნდით. ორი ბურთის სხვაობით ვაგებდით და ყველაფერი გავაკეთეთ, რომ არ წაგვეგო. ვიბრძოლეთ და ფანებიც ძალიან დაგვეხმარნენ. თამაშის ბოლო ნაწილით კმაყოფილი ვარ, იმიტომ, რომ ქულა გადავარჩინეთ. ახლა სანაკრებო პაუზა იწყება და გვაქვს დრო, რომ კარგად მოვემზადოთ და მოუთმენლად ველოდებით მომდევნო საშინაო თამაშს.
ჩემთვის განსაკუთრებული დღე იყო. რა თქმა უნდა, ძალიან ბედნიერი ვარ ჩემი პირველი გოლით, რომელიც იმ მომენტში ძალიან მნიშვნელოვანი იყო, რადგან თამაშში დავბრუნდით. ასე რომ, ძალიან ბედნიერი ვარ და მადლობა ჩემს თანაგუნდელებს, რადგან მათ გარეშე გოლის გატანა შეუძლებელი იქნებოდა," - განაცხადა ოთარ კაკაბაძემ.
ოთარ კაკაბაძე კრაკოვიას 2021 წლის ზაფხულის სატრანსფერო ფანჯრის დროს შეუერთდა თავისუფალი აგენტის სტატუსით.
