"ამჟამად, გარსიასთან ერთად კარგი პერიოდი არ გვიდგას", - ნაპოლის პრეზიდენტმა მწვრთნელის მოახლოვებული გაშვება არ გამორიცხა

„ნაპოლის“ პრეზიდენტმა აურელიო დე ლაურენტისმა გუნდიდან რუდი გარსიას შესაძლო გაშვება არ გამორიცხა.

ბოლო დროს, სულ უფრო აქტიურად იწერება, რომ ნეაპოლური გუნდიდან ფრანგ სპეციალისტს მალე დაითხოვებენ.

„ამ მომენტისთვის, რუდი გარსიასთან ერთად კარგი პერიოდი არ გვიდგას.

როცა არჩევანს აჩერებ მწვრთნელზე, რომელიც იტალიურ ფეხბურთს ისე კარგად აღარ იცნობს, ასეთი რამ შეიძლება მოხდეს.

საუკეთესო გადაწყვეტილებას ყველაზე მისაღებ დროს მივიღებ, თუმცა მასზე გავლენას ფანები ვერ მოახდენენ.“, - აღნიშნა დე ლაურენტისმა.