ანჩელოტი: "ბაიერნი უკმაყოფილებას გამოხატავს? მაშინ ჩვენ გაუქმებულ გოლზე ვიჩივლებთ"

ჩემპიონთა ლიგის ფინალში გასვლის შემდეგ, მადრიდის რეალის მთავარმა მწვრთნელმა, კარლო ანჩელოტიმ მედიასთან ისაუბრა და კომენტარი საკამათო ეპიზოდებზეც გააკეთა.

"ჩვენ სეზონის განმავლობაში ძალიან ბევრი პრობლემა გვქონდა ტრავმების მხრივ - კურტუა, მილიტაო, ალაბა, ვინისიუსი, კამავინგა, ჩუამენი. მიუხედავად ამისა, არასდროს ვწუწუნებთ და შემოგვხედეთ ახლა სად ვართ."

"ბაიერნი უკმაყოფილებას გამოხატავს თამაშგარეს ეპიზოდზე? კარგით, მაშინ ჩვენც ვიჩივლებთ გაუქმებულ გოლზე, რადგან ნაჩოს წესები არ დაურღვევია და კიმიხმა უბრალოდ გააფორმა" - განაცხადა იტალიელმა სპეციალისტმა.