ანჩელოტი მიიჩნევს, რომ რეალის ცუდი თამაშის მიზეზი კილიან მბაპეა

Relevo-ს ინფორმაციით, კარლო ანჩელოტი მიიჩნევს, რომ რეალის ცუდ თამაშს ერთი მიზეზი აქვს და მისი სახელი კილიან მბაპეა.

ფრანგი ვარსკვლავი გუნდს დაცვაში არ ეხმარება და ბალანსს არღვევს, რის გამოც "ლოს ბლანკოსში" ღელავენ. დაცვით ასპექტში მბაპეს პასიურობის გამო, მის თანაგუნდელებს დამატებითი ძალისხმევის გაღება უწევთ, რაც მთელ ტაქტიკას ურევს. აღნიშნული დისბალანსით ერთ-ერთი ყველაზე დაზარალებული ფეხბურთელი ჯუდ ბელინგემია.

რეალი კილიანს ენდობა, მაგრამ სურს, ფრანგი თვითკრიტიკული იყოს და გააანალიზოს, რომ დაცვაში ჩასვლაც მნიშვნელოვანია.