ანდერ ერერა პსჟ-დან წასვლაზე მუშაობს და ესპანურ გუნდს უკვე შეუთანხმდა

„პსჟ-ს“ ნახევარმცველს ანდერ ერერას საფრანგეთის ჩემპიონატის დატოვება უნდა.

Cope-ს ინფორმაციით, 32 წლის ესპანელმა „ატლეტიკ ბილბაოსთან“ სიტყვიერ შეთანხმებას მიაღწია, რომელშიც 2011-2014 წლებში თამაშობდა.

ამჟამად, ერერა „პსჟ-სთან“ კონტრაქტის გაწყვეტაზე აწარმოებს მოლაპარაკებებს, რათა შემდეგ „ბილბაოში“ თავისუფალი აგენტის სტატუსით გადავიდეს.

თავის მხრივ, ესპანელი „პსჟ-ს“ გეგმებში ისედაც არ შედის, თუმცა კლუბს გარკვეული თანხის სანაცვლოდ მისი გაყიდვა სურდა. 

ერერა „პსჟ-ში“ 2019 წელს „მანჩესტერ იუნაიტედიდან“ თავისუფალი აგენტის სტატუსით გადავიდა და ამ პერიოდში ლიგა 1-ში 58 მატჩში 5 გოლი გაიტანა.

"თავადაც დაინახავდით", - ტენ ჰაგმა რაშფორდის პსჟ-ში შესაძლო გადასვლაზე ისაუბრა