ანდრეი დემჩენკო: "დილას ჩემი დავალიანება აქვს, გეტყვით, რა გააკეთეს, კიდევ 30 000 რომ არ მიმეღო"

"ექვსი თვის წინ დილასთან კონტრაქტი მეწურებოდა და ამ გუნდში ყველაფერი მომწონდა. ხელმძღვანელობას მივმართე, რომ ახალი 1+1 სისტემის ხელშეკრულებას გავაფორმებდი, მაგრამ ანაზღაურება უნდა შეცვლილიყო. 

მათ მითხრეს, რომ ისინიც კმაყოფილნი იყვნენ. კიდევ ერთი წელი ძველ ხელფასზე ვიმუშავებდი და მერე ისევ შევხვდებოდით და დავილაპარაკებდით. საუბარი იყო

ამის შემდეგ კონტრაქტი ამომეწურა. მივიღე შემოთავაზება სამჯერ მეტი ხელფასით, ვიდრე საქართველოში ვიღებდი. დილას ვაცნობე, რომ კლუბს ვტოვებდი. მათ მითხრეს: "ანდრეი, შეგიძლია კიდევ ერთი წელი დარჩე ჩვენი პირობებით?" არც კი მკითხეს რა მინდოდა ან როგორ ვხედავდი სიტუაციას?

რამ დამარწმუნა დილაში დარჩენაში? გარკვევით მითხრეს, რომ ხელფასს ათასი დოლარით გაზრდიან და მეტის გაკეთება არ შეეძლოთ: „მაგრამ თუ გინდათ, კონტრაქტში ჩავწერთ პუნქტს, რომლის მიხედვითაც, ევროთასების შემდეგ საკუთარი კონტრაქტის გამოსყიდვა იქნება შესაძლებელი. თუ თქვენ მიიღებთ უკეთეს შეთავაზებას და შეგეძლებათ კონტრაქტის 25 000 დოლარად გამოსყიდვა. 

ამას იმიტომ მთავაზობდნენ, რომ 3-4-ჯერ ნაკლები ხელფასზე დავთანხმდი, ვიდრე შემომთავაზეს. ამ პირობებს დავთანხმდი, რადგან გორულ გუნდში სული ჩავდე და ევროპაში რამე განსაკუთრებულის მიღწევა მინდოდა.

აცრემლებული თვალებით მთხოვდნენ: ანდრეი, ამაზე მეტს ვერაფერს შემოგთავაზებთ. ისეთი სიტუაცია იყო, კატეგორიულად მითხრეს - თანახმა ხარ თუ არაო. ჩემი ოჯახი საქართველოში ძალიან კომფორტულადაა. ბავშვი სკოლაში სწავლობს, ამიტომ დილას პირობებს უნდა დავთანხმებოდი და მუშაობა გამეგრძელებინა.

დილაში გამოსვლის შეჯამება? ამ ზაფხულს ევროთასებზე კარგად გამოვედით. ორი მილიონი ევროს გამომუშავება საქართველოს რეალობაში ძალიან დიდი მიღწევაა. მოთამაშეების ფასები გაიზარდა. დილამ გეილი მილიონ ევროდ გაყიდა. კოვტალიუკი კი პოლტავაში მიიწვიეს.

კონფერენს ლიგის საკვალიფიკაციოდან დილას გამოვარდნის შემდეგ ბათუმის დინამოდან მივიღე შემოთავაზება და ვისარგებლე იმ პუნქტით, რაც კონტრაქტში ეწერა. 25 ათასად კონტრაქტის გამოსყიდვა მოხდა.

გორის დილაში თქვეს, რომ 10 ათასი დოლარი შემომთავაზეს. როცა უკვე ბათუმის დინამოსთან მქონდა მოლაპარაკებები, სინამდვილეში 8 ათასი შემომთავაზეს და არა ექვს თვიანი კონტრაქტი, არამედ 1.5 წლიანი ხელშეკრულება. გესმით რაზეა საუბარი? ეს არ იყო ჩემი გეგმის ნაწილი.

რა მოხდა შემდეგ? ბათუმის დინამოსთან ვარიანტის განხილვა სერიოზულად დავიწყე, რომელთან კონტრაქტში პირველ პუნქტად ჩემპიონატი წერია. მეორე და მესამე ადგილს საერთოდ არ განიხილავენ! ჩვენ შეგვიძლია მოვიყვანოთ მოთამაშეები, 10-15 ათასი დოლარის დიაპაზონში. ჩვენი სურვილია ჩემპიონთა ლიგაზე თამაში.

ჩემი სინდისი სუფთაა ფეხბურთელების, გულშემატკივრების, სამწვრთნელო შტაბის წინაშე. პატიოსნად ვმუშაობდი გროშების სანაცვლოდ და ჩემს საქმეს კეთილსინდისიერად ვაკეთებდი. არც ერთ ადამიანს არ უთქვამს საყვედური ჩემი მიმართულებით. ყველა მხარს მიჭერს ჩემს გადაწყვეტილებაში. ვხედავ, რომ განაწყენებულია მხოლოდ ხელმძღვანელობა.

დილას ხელმძღვანელობა დამპირდა, რომ ყველა სახელფასო საკითხს დახურავდა, მათ შორის ევროთასებზე გამომუშავებულ პრემიებს. როგორც კი ამის დრო მოვიდა, არავის არაფერი გადაუხდია.

რამდენი დავალიანება აქვს გუნდს? დაახლოებით 15 ათასი დოლარი. მე ამის შესახებ ვიკითხე: მეუბნებიან – „ფული არ არის, ბოდიში“.

შემიძლია კიდევ ერთი ამბავი მოგიყვეთ, ჩემს კონტრაქტში ეწერა, რომ ტრანსფერებიდან სატრანსფერო თანხის 3% მივიღებდი.

25 აგვისტოს გორის დილადან მივდივარ და ტიერი გეილს 28-მდე არ ყიდიან, რომ ამ მილიონიდან ჩემი 30 000 დოლარი არ მიმეღო. ეს არ იყო ვაჟკაცური მათი მხრიდან. 15-ზეც დავთანხმდებოდი, მაგრამ სანამ ბათუმში არ წავედი მოთამაშე არ გაყიდეს.

მზად ხართ სასამართლოში ეძებოთ სამართლიანობა, თუ დილასთან კომპრომისის მოძებნა შეუძლებელია? შეურაცხყოფა მომაყენეს, ამ ყველაფერს საჯაროდ ხასიათი ჰქონდა. მე მინდა დავიცვა ჩემი ღირსება. თუ ასე ცუდად მოიქცევიან ჩემ მიმართ, ჩვენც შესაბამისად ვიმოქმედებთ. ",- ამბობს დემჩენკო.