ანხელ დი მარია ბენფიკაში რჩება

ფაბრიციო რომანოს ინფორმაციით, ანხელ დი მარია ბენფიკაში კიდევ ერთი სეზონით დარჩება.

მხარეებმა შეთანხმებას გუშინ მიაღწიეს - ბენფიკას ხელმძღვანელობას "ელ ფიდეოს" დარჩენა სურდა და არგენტინელი ფეხბურთელიც პორტუგალიური კლუბის შეთავაზებას დათანხმდა.

დი მარია არგენტინის ნაკრებს მომდევნო კვირაში, კოპა ამერიკის ფინალის შემდეგ დატოვებს, მაგრამ ბენფიკაში 2025 წლამდე ითამაშებს.

ანხელს "არწივებთან" კონტრაქტი მიმდინარე ზაფხულში ამოეწურა და ის ამჟამად თავისუფალი აგენტია, თუმცა ლისაბონელებთან ახალი ხელშეკრულება მალე გაფორმდება.