ანხელ დი მარია: ნაკრებთან დასამშვიდობებლად მზად არ ვარ

არგენტინა კანადის დამარცხების შემდეგ კოპა ამერიკის ფინალში გავიდა.

აღსანიშნავია, რომ ეს ანხელ დი მარიასთვის ეროვნულ ნაკრებში ბოლო მატჩი იქნება. არგენტინელმა თავიდანვე თქვა, რომ 2024 წლის კოპა ამერიკა მისთვის "ალბისელესტეს" მაისურით ბოლო ტურნირი იქნებოდა.

კარგია, რომ ლეგენდარული ფეხბურთელის ბოლო მატჩი ფინალში შედგება. ამასთან დაკავშირებით თავად "ფიდემ" ისაუბრა.

"არგენტინის ნაკრებში უკანასკნელი მატჩის ჩასატარებლად მზად არ ვარ, მაგრამ ამის დრო მოვიდა. ფინალში რაც არ უნდა მოხდეს, ვფიქრობ, ამაყი მივდივარ. ამ მაისურისთვის ყოველთვის მაქსიმუმს ვიღებდი," - უთხრა დი მარიამ DSportsRadio-ს.

ანხელმა წინა კოპა ამერიკის ფინალში, მარაკანაზე, ბრაზილიას გამარჯვების გოლი გაიტანა. ამის შემდეგ, დი მარიამ მსოფლიოს ჩემპიონატის ფინალში საფრანგეთთანაც შეაგდო, ახლა კი მას მესამე სანაკრებო ტიტულის მოგების შანსი აქვს.

არგენტინის ნაკრებში დი მარიას ანგარიშზე 144 მატჩი და 31 გოლია. ის "ალბისელესტეს" ღირსებას 2008 წლიდან იცავს.