ავტორიზაცია
"აქამდე, ასისტი არასდროს გამიკეთებია" | გიორგი მამარდაშვილი
სომხეთთან მატჩის შემდეგ, საქართველოს ნაკრების ფეხბურთელმა, გიორგი მამარდაშვილმა კომენტარი გააკეთა.
"მთელმა გუნდმა კარგად ითამაშა. დღევანდელი გამარჯვებით გახარებული ვარ.
თბილისში ამაზე მაგარ ატმოსფეროს ველოდებით. მინდა, ქართველ ხალხს, გულშემატკივრებს გვერდში დგომისთვის მადლობა გადავუხადო. მათ ამხელა გზა გამოიარეს და დაგვაფასეს.
კარგი პასი გამომივიდა. აქამდე, ასისტი არასდროს გამიკეთებია. ბედნიერი ვარ.
როგორც ვიცი, დინამო არენაზე რაღაც რეგულაციებია და ბოლომდე სავსე ვერ იქნება, მაგრამ ბევრ ქომაგს ველით.
ყოველთვის მიხარია, როცა ნაკრების კარში ვდგავარ და, მით უმეტეს, მაშინ, როდესაც სახლში ვთამაშობთ, ჩვენი გულშემატკივრების წინაშე.
ყოველდღე ვვარჯიშობ, რომ ლივერპულში თავი დავიმკვიდრო, მაგრამ არ ვიცი, საბოლოოდ რა მოხდება. მე არ ვწყვეტ, ვინ ითამაშებს და ვინ - არა," — გიორგი მამარდაშვილი.
ცნობისთვის, მამარდა საქართველოს ნაკრების ისტორიაში პირველი მეკარეა, ვინც საგოლე გადაცემა მიითვალა.
