ავტორიზაცია
არაბი ფეხბურთელი სერია A-ში | რომამ ალ ჰილალიდან საუდ აბდულჰამიდი შეიძინა
ფაბრიციო რომანოს ინფორმაციით, რომა ალ ჰილალიდან არაბ მარჯვენა მცველს, საუდ აბდულა სალემ აბდულჰამიდს იმატებს.
"ჯალოროსი" არაბულ კლუბს €2.5 მილიონს პლუს ბონუსებზე შეუთანხმდა. არაბი ფეხბურთელის შეძენა რეიმსსაც სურდა, მაგრამ იტალიურმა კლუბმა ფრანგებს აჯობა. საუდ აბდულჰამიდი იტალიაში რამდენიმე საათში გაემგზავრება.
25 წლის არაბმა პროფესიონალური კარიერა 2018 წელს, ალ იტიჰადში დაიწყო, 2022 წელს კი თავისუფალი აგენტის სტატუსით ალ ჰილალში გადავიდა. 2019 წლიდან ის საუდის არაბეთის ეროვნული ნაკრების წევრიცაა.
აღსანიშნავია, რომ აბდულჰამიდი ისტორიაში პირველი არაბი ფეხბურთელი იქნება, ვინც სერია A-ში იასპარეზებს - აქამდე, ამ ქვეყნის წარმომადგენელს იტალიის ჩემპიონატში არასდროს უთამაშია.
