"არაფერი განსაკუთრებული" — მიქაუტაძემ დონარუმასთან დაპირისპირებაზე ისაუბრა

პარი სენ ჟერმენთან მატჩის შემდეგ, ლიონის შემტევმა, გიორგი მიქაუტაძემ კომენტარი გააკეთა და დონარუმასთან მომხდარ დაპირისპირებაზე ისაუბრა.

"არაფერი განსაკუთრებული არ ყოფილა. გოლის შემდეგ უბრალოდ გავიცინე და მან ეს ცუდად მიიღო. ტაიმის შემდეგ მასთან მივედი და ავუხსენი, რომ გოლის გატანამ ძალიან გამახარა" — განაცხადა ქართველმა შემტევმა.

აღნიშნული შეხვედრა პარიზელების გამარჯვებით 3-1 დასრულდა, ხოლო ლიონიდან ერთადერთი გოლი სწორედ გიორგი მიქაუტაძემ გაიტანა. ქართველ ფორვარდს ლიგა 1-ის მიმდინარე სეზონში 4 გოლი და 1 ასისტი მოუგროვდა.