"არც კი მახსოვს, თამაშის შემდეგ ბოლოს ასეთი ბედნიერი როდის ვიყავი" - კვეკვესკირი
პოლონურ ექსტრაკლასაში ლეხ პოზნანის ქართველმა ლეგიონერმა ნიკა კვეკვესკირმა გურნიკს ულამაზესი გოლი გაუტანა.
გურნიკთან(2-1) მოგებული მატჩის შემდეგ ნიკა კვეკვესკირმა ჟურნალისტებთან ისაუბრა.
"არც კი მახსოვს თამაშის შემდეგ ბოლოს ასეთი ბედნიერი როდის ვიყავი. შობის წინ ძალიან გვინდოდა, რომ ჩვენი ფანები გაგვეხარებინა. ახლა, მათ დამატებითი მიზეზი აქვთ, რომ ბედნიერები იყვნენ.
გორნიკსაც ჰქონდა საგოლე მომენტები, მაგრამ ფილიპ ბედნარეკმა ძალიან კარგად ითამაშა. იგივე შეიძლება ითქვას მთელ გუნდზე, რომელსაც ბოლომდე სჯეროდა გამარჯვების. რაც შეეხება გოლს, ბევრი ვიფიქრე, მანამდე საჯარიმოში ჩემს თანაგუნდელებს ვეძებდი, იყვნენ თუ არა უკეთეს პოზიციაში, მაგრამ ვერ აღმოვაჩინე და ამიტომ, შორიდან დავარტყი. საბოლოოდ, ყველაფერი კარგად დასრულდა ჩემთვის და ყველა ჩვენგანისთვის," - განაცხადა ნიკა კვეკვესკირმა.
29 წლის ნახევარმცველი პოზნანელთა რიგებს 2021 წლის იანვარში შეუერთდა. მიმდინარე სეზონში მის აქტივში 20 მატჩი, 2 გოლი და 1 საგოლე გადაცემაა.
