არდა გიულერის შეძენით 4 კლუბი ინტერესდება

არდა გიულერის მადრიდული მომავალი გაურკვეველია - თურქმა, შესაძლოა, სათამაშო დროის დეფიციტის გამო, რეალ მადრიდი იჯარით დატოვოს.

Caught Offside-ის ინფორმაციით, თურქი ტალანტის შეძენით 4 კლუბი ინტერესდება - არსენალი, ასტონ ვილა, მილანი და იუვენტუსი.

გიულერს ესპანურ კლუბთან კონტრაქტი 2029 წლის 30 ივნისამდე აკავშირებს. იჯარით წასვლამ, შესაძლოა, მის განვითარებას ხელი შეუწყოს, თუმცა, ჯერჯერობით, უცნობია, რეალ მადრიდი თურქს შეინარჩუნებს თუ გაუშვებს.

19 წლის ფეხბურთელმა მიმდინარე სეზონში 13 მატჩი ჩაატარა, მაგრამ მოედანზე მხოლოდ 382 წუთი გაატარა. მის ანგარიშზე 1 ასისტია.