არეულობა ამსტერდამში — მაკაბის გულშემატკივრებს სასტიკად გაუსწორდნენ

ევროპა ლიგის მე-4 ტურში, ამსტერდამის აიაქსმა საკუთარ მოედანზე თელ-ავივის მაკაბი მიიღო და მეტოქე მარტივად, 5-0 დაამარცხა.

მატჩის შემდეგ, ამსტერდამში მასობრივი არეულობა დაიწყო — ისრაელიდან ჩასულ გულშემატკივრებს ქუჩაში პალესტინის მომხრეები დახვდნენ და სასტიკად გაუსწორდნენ.

ნიდერლანდების პრემიერ მინისტრმა დაადასტურა, რომ ამ დროისთვის 57 ადამიანი დაკავებული და პოლიცია აგრძელებს საგამოძიებო მოქმედებებს. დიკ სხოფმა გუშინდელ ღამეს "ანტისემიტური თავდასხმა" უწოდა.

ამსტერდამის ქუჩებში მიმდინარე მოვლენებს ისრაელის პრემიერ მინისტრი, ბინიამინ ნეთანიაჰუც გამოეხმაურა და განაცხადა, რომ ნიდერლანდებში მაკაბის გულშემატკივრების დასახმარებლად და გამოსაყვანად სამაშველო თვითმფრინავებს გაგზავნის.

სოციალურ ქსელში კი არაერთი ვიდეო გავრცელდა როგორ უმოწმებენ ისრაელის მოქალაქეებს ქუჩაში პასპორტებს და შემდეგ ფიზიკურ შეურაცხყოფას აყენებენ. თავდამსხმელები პალესტინის მხარდასაჭერ ლოზუნგებს სკანდირებენ და ისრაელის მოქალაქეებს სასტიკად უსწორდებიან.