არგენტინელი ან გერმანელი — ნაპოლი ხვიჩა კვარაცხელიას შემცვლელის ტრანსფერზე მუშაობს

ფაბრიციო რომანოს ინფორმაციით, ვინაიდან ინგლისურ გრანდთან შეთანხმება ვერ ხერხდება, "პარტენოპეი" ქარიმ ადეიემიზე გადაერთო და დორტმუნდს დაუკავშირდა. გერმანული კლუბი მზადაა, ადეიემი მიმდინარე თვეში 45-50 მილიონ ევროდ გაყიდოს. ნაპოლიმ ბორუსიას წინადადებით უკვე მიმართა, მაგრამ ფეხბურთელისგან დასტური ჯერ არ აქვს — ნეაპოლელები გერმანელის დარწმუნებას შეეცდებიან.

აღსანიშნავია ისიც, რომ გარნაჩოს თაობაზე მოლაპარაკებებიც კვლავ მიმდინარეობს და ტრანსფერი ჯერ ჩაშლილი არაა. არგენტინელი ჩელსის რადარზეცაა და შეთავაზებას ამზადებს.

აურელიო დე ლაურენტისის გუნდმა ხვიჩა კვარაცხელიას პარი სენ-ჟერმენში გაყიდვით €70 მილიონი იშოვა და, შესაბამისად, მარცხენა ვინგერის მოყვანაზე მუშაობს.