არნე სლოტი: ალბათ, სალაჰმა იცის, რომ სიტი მომავალ სეზონში პრემიერ ლიგაში აღარ იქნება

მანჩესტერ სიტისთან მატჩის (2-0) შემდეგ, მოჰამედ სალაჰმა განაცხადა, რომ ეს შეხვედრა, შესაძლოა, მისთვის "ქალაქელთა" წინააღმდეგ ბოლო ყოფილიყო, რადგან კლუბი მოს ახალ კონტრაქტს არ სთავაზობს.

აღნიშნულთან დაკავშირებით მერსისაიდელთა თავკაცს, არნე სლოტს ჰკითხეს. ნიდერლანდელმა პრესკონფერენციაზე თქვა: "ალბათ, მოჰამედმა იცის, რომ მომავალ სეზონში, 115 ბრალდების გამო, მანჩესტერ სიტის დააქვეითებენ... ვხუმრობ."

ეგვიპტელს ლივერპულთან ხელშეკრულება 2025 წლის 30 ივნისს ეწურება. შესაბამისად, თუ კლუბი მას ახალ კონტრაქტს არ შესთავაზებს, ფეხბურთელი გუნდს თავისუფალი აგენტის სტატუსით დატოვებს.