ავტორიზაცია
არნე სლოტი მამარდაშვილზე: ძალიან კარგი მეკარე შევიძინეთ
ლივერპულის მთავარმა მწვრთნელმა, არნე სლოტმა ბრაიტონთან მატჩის წინ პრესკონფერენცია გამართა, რომელშიც გიორგი მამარდაშვილზეც ისაუბრა.
"ვფიქრობ, კლუბი მამარდაშვილის პროგრესს თვალს დეტალურად ადევნებს, რადგან ვიცი, აქ როგორი პროფესიონალი ხალხი მუშაობს.
წინა კვირაში მამარდაშვილის თამაში არ მინახავს, მაგრამ სასიამოვნოა იმის გაგება, რომ მან კარგი სეივები განახორციელა. მისგან ეს გასაკვირი არაა, რადგან ვიცით, რომ ძალიან კარგი მეკარე შევიძინეთ," - განაცხადა ნიდერლანდელმა.
მერსისაიდულმა კლუბმა ქართველი მეკარე გასულ ზაფხულში, €30 მილიონად შეიძინა და იჯარით ვალენსიაში დატოვა. ის ინგლისში 2025 წლის ზაფხულში გადაბარგდება.
