არნე სლოტმა ამერიკული ტურნესთვის ლივერპულის 28-კაციანი განაცხადი დაასახელა

ლივერპულის მთავარმა მწვრთნელმა, არნე სლოტმა წინასასეზონო ამერიკული ტურნესთვის გუნდის 28-კაციანი განაცხადი დაასახელა.

ნიდერლანდელ სპეციალისტს აშშ-ში ვირჯილ ვან დაიკი, ტრენტ ალექსანდრ-არნოლდი, ალისონ ბეკერი, დარვინ ნუნიესი და ალექსის მაკალისტერი ვერ მიჰყავს, რადგან ისინი წლევანდელ სანაკრებო ტურნირებზე (ევრო 2024/კოპა ამერიკა) შორს გავიდნენ. ეს ფეხბურთელები გუნდს 3-კვირიანი შვებულების დასრულების შემდეგ, პირდაპირ ამერიკაში შეუერთდებიან.

ლივერპულს პრესეზონზე ახალგაზრდა მოთამაშეები - ბობი კლარკი და ჯეიდენ დენსიც არ ეყოლება, რადგან ისინი ჯერ კიდევ რეაბილიტაციის პროცესში არიან.

მეკარეები: კელეჰერი, იაროში, პიტალუგა, დევისი

მცველები: კუანსა, ვან დენ ბერგი, ფილიპსი, ნალო, რობერტსონი, ბრედლი, ციმიკასი, ჩემბერსი, ბექი

ნახევარმცველები: სობოსლაი, ჯონსი, ენდო, ელიოტი, ბაისეტიჩი, მაკკონელი, მორტონი, სტეფენსონი, ნიონი

შემტევები: სალაჰი, კარვალიუ, დოაკი, გორდონი, კუმასი, ბლერი

ლივერპული ამერიკის შეერთებულ შტატებში 23 ივლისს გაემგზავრება. მერსისაიდელები 27 ივლისს - ბეტისს, 1 აგვისტოს - არსენალს, 3 აგვისტოს - მანჩესტერ იუნაიტედს, 11 აგვისტოს კი სევილიას დაუპირისპირდებიან.