არსენალი ანდერლეხტის ნახევარმცველს იმატებს

"არსენალმა" "ანდერლეხტის" ნახევარმცველის, ალბერ ლოკონგას ტრანსფერი შეათანხმა, წერს Goal.

გავრცელებული ინფორმაციით, "მეთოფეები" 21 წლის ბელგიელში დაახლოებით 18 მილიონ ფუნტს გადაიხდიან.

ახალგაზრდა ფეხბურთელი ლონდონში სამედიცინო შემოწმებას მას შემდეგ გაივლის, როცა კორონავირუსის პანდემიასთან დაკავშირებით კარანტინში ყოფნის ვადა ამოეწურება.

2020/21 წლების სეზონში ლოკონგამ "ანდერლეხტის" რიგებში 37 მატჩი ჩაატარა, 3 გოლი გაიტანა და 3 ასისტი გააკეთა.