არსენალი ჩავი სიმონსით ინტერესდება

L'Equipe-ის ინფორმაციით, ლონდონის არსენალი ჩავი სიმონსის თაობაზე პარი სენ-ჟერმენს დაუკავშირდა.

ნიდერლანდელ ფეხბურთელს ლიგა 1-დან წასვლა სურს. მან გასული სეზონი ფრანგული გუნდიდან იჯარით ლაიფციგში გაატარა, და პსჟ-ში დაბრუნება არ სურს, რადგან ფიქრობს, რომ პარიზელთა რიგებში განვითარების პერსპექტივა არ ექნება.

21 წლის ნახევარმცველით მანჩესტერ სიტი, მანჩესტერ იუნაიტედი და ბაიერნიც ინტერესდებიან.

სიმონსმა 2023/24 წლების სეზონში 43 მატჩში 10 გოლი და 15 ასისტი მიითვალა.