არსენალი ჩელსის ფეხბურთელით დაინტერესდა

არსენალი გაძლიერებას აგრძელებს — ამჯერად ლონდონური გრანდი ჩელსის ფეხბურთელ მადუეკეს ტრანსფერზე მუშაობს.

მედიაში გავრცელებული ინფორმაციის მიხედვით, მადუეკემ და არსენალმა პირადი კონტრაქტის პირობებზე შეთანხმებას უკვე მიაღწიეს.

ხოლო კლუბებს შორის მოლაპარაკება მსოფლიო საკლუბო ჩემპიონატის შემდეგ დაიწყება.

შეგახსენებთ, რომ ჩელსი ამჟამად მსოფლიო საკლუბო ჩემპიონატზე ასპარეზობს. ინგლისური გუნდი ნახევარფინალში ფლუმინენზეს დაუპირისპირდება.