არსენალი კიდევ ერთ ტრანსფერს ხურავს - არტეტა გაჩერებას არ აპირებს

ლონდონის "არსენალი" კიდევ ერთი ტრანსფერის დახურვასთან და იტალიის სერია ა-დან უნიჭიერესი ახალგაზრდის წამოყვანასთან ახლოსაა.

საუბარია, 19 წლის მარცხენა ფლანგის მცველ, აარონ ჰიკზე, რომელიც "ბოლონიას" რიგებში გამოდის. როგორც Calciomercato გვაუწყებს, "მეთოფეებმა" "ბოლონიასთან" ტრანსფერის ღირებულებასთან დაკავშირებით შეთანხმებას მიაღწიეს, რაც 23-24 მილიონი ევროს ფარგლებში მერყეობს. მოსალოდნელია, რომ მომდევნო დღეებში ამ ტრანსფერის ყველა დეტალი მოგვარდეს.

ჰიკმა სერია ა-ს, ამ სეზონში, 35 მატჩი ჩაატარა, სადაც 5 გოლის გატანა და ერთი საგოლე გადაცემის შესრულენა შეძლო.