ავტორიზაცია
არსენალი ოსიმენისთვის ბრძოლას გამოეთიშა; ორი კლუბი ჯერ კიდევ საქმეშია
ფაბრიციო რომანოს ინფორმაციით, არსენალი ვიქტორ ოსიმენისთვის ბრძოლას გამოეთიშა - "მეთოფეები" სხვა სამიზნეებზე გადაერთვნენ.
25 წლის თავდამსხმელს "პარტენოპეის" დატოვება სურს, იტალიური კლუბი კი რომელუ ლუკაკუს ტრანსფერზე მუშაობს.
ოსიმენის თაობაზე პარი სენ-ჟერმენი აქტიურ მოლაპარაკებებს აწარმოებდა, მაგრამ გასული კვირის შემდეგ საუბრები შეჩერდა.
მეორე კლუბი, რომელიც ვიქტორის მიმართ ინტერესს იჩენს, ჩელსია, მაგრამ ლონდონელები მისი გამოსასყიდი თანხის გადახდას არ აპირებენ.
ნიგერიელი შემტევი ეგნატიასთან გუშინ გამართულ მატჩში ნაპოლის განაცხადშიც კი არ ყოფილა, რაც იმაზე მიუთითებს, რომ მხარეებს შორის უკვე ყველაფერი დასრულებულია.
