არსენალის რეკორდამდე, ნკეტიას სულ ცოტა დააკლდა

კრისტალ პალასმა ზაფხულში, თანაქალაქელი არსენალიდან ედი ნკეტია დაიმატა და ინგლისელ შემტევში, 35 მილიონი გადაიხადა. ნკეტია ''მეთოფეების'' გეგმებში არ შედიოდა და ძირითადად სკამიდან უწევდა თამაში. 

ნკეტიასთვის ეს ახალი გამოწვევაა რადგან, მას ბევრი სათამაშო დრო უნდა ჰქონდეს ''არწივებში'' არსენალის ისტორიაში ნკეტია გახდა მეორე ყველაზე ძვირად გაყიდული მოთამაშე, პირველ ადგილზე ალექს ოქსლეის-ჩემბერლენია, რომელიც ლონდონელებმა ლივერპულს 38 მილიონად მიჰყიდეს. 

ნკეტია არსენალის სკოლის აღზრდილია და მთელი კარიერა არსენალში ჰქონდა გატარებული, ის მხოლოდ 1 სეზონით იყო განათხოვრებული ლიდსში. არსენალის მაისურით ნკეტიამ ყველა ტურნირზე, 168 თამაშში 38 გოლის გატანა მოახერხა.