არსენალმა შესაძლოა ლაიფციგის ფორვარდი 75 მილიონად შეიძინოს
![არსენალმა შესაძლოა ლაიფციგის ფორვარდი 75 მილიონად შეიძინოს](http://storage.goal.ge/uploads/posts/aucVHffoxCP8w5hLittQo9gFh3hjAWow.jpg)
ლონდონის "არსენალს" აქვს შესაძლებლობა ზაფხულის სატრანსფერო ფანჯარაზე შეტევა გააძლიეროს.
The Telegraph-ის ჟურნალისტების ინფორმაციით, "მეთოფეები" სერიოზულად არიან დაინტერესებული "ლაიფციგის" თავდამსხმელის, ბენიამინ შეშკოს ტრანსფერით.
წყაროს ცნობით, 20 წლის ფეხბურთელის გაფორმების ფავორიტი "არსენალია". პოტენციური სატრანსფერო თანხა 75 მილიონ ევროდ არის შეფასებული.
მიმდინარე სეზონში სლოვენიელმა 30 მატჩი ჩაატარა, რომელშიც 13 გოლი გაიტანა და ორი საგოლე გადაცემა გააკეთა.