არტეტა: "ჰავერცი? მას ვუთხარი, რომ თავიდან რთულია, დასაწყისში მეც გამიჭირდა ჩემი ცოლის გულის დაპყრობა"

მიკელ არტეტამ კაი ჰავერცის „არსენალური“ კარიერის მძიმე სტარტზე საუბრისას, საკუთარი ცოლის გაცნობის პარალელი მოიყვანა.

„ჰავერცს გუშინ ვუთხარი, რომ დასაწყისში ყოველთვის რთულია.

როცა ჩემს ცოლს შევხვდი, თავიდან მისი გულის დაპყრობა გამიჭირდა. რთული იყო, თუმცა ეს ნაბიჯი უნდა გადამედგა, მიმეწერა და მცდელობა არ დამეკლო.

საბოლოოდ, როცა მან მითხრა: „კი, ჩვენ შეგვიძლია ერთად ვიყოთ“ - ეს შესანიშნავი იყო.“, - აღნიშნა ესპანელმა.