არტიომ დოვბიკი ატლეტიკოში გადადის

ფაბრიციო რომანოს ინფორმაციით, მადრიდის ატლეტიკო არტიომ დოვბიკის ტრანსფერის შეთანხმებასთან ახლოსაა.

"როხიბლანკო" ფეხბურთელის გამოსასყიდ თანხაზე (€40 მილიონი) ჟირონასთან საბოლოო დეტალებს აგვარებს. უკრაინელმა ცენტრფორვარდმა მადრიდულ კლუბში გადასვლაზე თანხმობა უკვე განაცხადა.

მიმდინარე სატრანსფერო ფანჯარაზე ალვარო მორატა ატლეტიკოდან მილანში გადაბარგდა, შესაბამისად, ჩოლო სიმეონეს გუნდს მისი შემცვლელი სჭირდება, რჩეული კანდიდატი კი დოვბიკი გამოდგა.