არტიომ დოვბიკის ატლეტიკოში ტრანსფერი ჩაშლის პირასაა - ფეხბურთელი რომას უახლოვდება
![არტიომ დოვბიკის ატლეტიკოში ტრანსფერი ჩაშლის პირასაა - ფეხბურთელი რომას უახლოვდება](http://storage.goal.ge/uploads/posts/e75haZABVBhqsHims7VQg1rozN0HXznz.jpg)
ფაბრიციო რომანოს ინფორმაციით, არტიომ დოვბიკს რომას პროექტი მოსწონს და მზადაა, იტალიურ კლუბში გადავიდეს.
ატლეტიკოსთან მოლაპარაკებები კვლავ იმავე ეტაპზეა. რომა კი ბევრად აქტიურობს. "ჯალოროსის" მთავარმა მწვრთნელმა, დანიელე დე როსიმ ფეხბურთელს რამდენჯერმე დაურეკა და ტრანსფერში მნიშვნელოვან როლს თამაშობს.
რომაელები ჟირონას მალე ოფიციალური შეთავაზებით მიმართავენ. ატლეტიკო კატალონიურ გუნდს €40 მილიონზე შეუთანხმდა, მაგრამ უკრაინელი ფორვარდისგან პირად კონტრაქტზე თანხმობა არ აქვს.
დედაქალაქელებმა იუვენტუსიდან მატიას სოულეს ტრანსფერი უკვე შეათანხმეს, ახლა კი სრულად დოვბიკზე არიან გადართულნი.
ჟირონას დირექტორის, კიკე კარსელის პოზიცია ასეთია: "დოვბიკის გაყიდვა არ მსურს, მაგრამ თუ ვინმე €40 მილიონს გადაიხდის... სხვას ვერაფერს ვიზამთ, მას გავყიდით."
არტიომის გამოსასყიდი თანხა სწორედ €40 მილიონია.