არტურო ვიდალი: ტონი კროოსმა ჩემგან ბევრი ისწავლა

ჩილელმა ფეხბურთელმა, არტურო ვიდალმა გერმანელ ტონი კროოსზე საინტერესო კომენტარი გააკეთა.

"ტონიმ ჩემგან ბევრი ისწავლა. როცა ის ლევერკუზენში მოვიდა, კარგი ტექნიკა ჰქონდა, მაგრამ ბურთის ფლობის უნარი აკლდა. ერთ დღეს კროოსი ჩემთან და რენატო აუგუსტოსთან მოვიდა და ავუხსენით, ფეხბურთი რას ნიშნავს. მას ბევრი რამ ვასწავლეთ," - განაცხადა ვიდალმა.

არტურო ლევერკუზენში 2007-2011 წლებში თამაშობდა, კროოსი კი ამ გუნდში 2009-2010 წლებში ბაიერნიდან იჯარით იყო. ტონი ევროპის ჩემპიონატის შემდეგ კარიერას ასრულებს, ხოლო ვიდალი ამჟამად მშობლიურ კოლო-კოლოში ასპარეზობს.