ავტორიზაცია
არველაძემ ტრანსფერი დაადასტურა - ჰალ სიტიმ ფენერბახჩეს ფეხბურთელი დაიმატა
მას შემდეგ რაც "ჰალ სიტიმ" საკუთარ მოედანზე 3:2 დაამარცხა "ქოვენთრი", მასპინძელთა მთავარმა მწვრთნელმა შოთა არველაძემ ბერძენი ფეხბურთელის დიმეტრიოს პელკასის ტრანსფერი დაადასტურა.
არველაძემ განაცხადა, რომ უახლოეს 72 საათში "ჰალ სიტის" კიდევ ორი ფეხბურთელი შეუერთდება. ერთ-ერთი მათგანი "ფენერბახჩეს" შემტევი დიმეტრიოს პელკასი იქნება.
"დიახ, ჩვენ ველოდებით პელკასს. სხვა ტრანსფერებზე ვერაფერს გეტყვით, მაგრამ ჩვენთვის სასურველი ფეხბურთელი ერთ-ერთია, ვინც იცის, როგორი ითამაშოს ფლანგზე და შეტევაში ",- განაცხადა შოთა არველაძემ.
"ჰალ სიტი" 11 ქულით მესამე ადგილზეა და შემდეგი ტურის მატჩს 30 აგვისტოს გასვლაზე "ქუინზ პარკ რეინჯერსის" წინააღმდეგ ჩაატარებს.
