აშრაფ ჰაკიმის ამ მუნდიალზე ართმევებში ბადალი არ ჰყავს, მეორეზე ლუკა მოდრიჩია

მაროკოელი აშრაფ ჰაკიმი - 2022 წლის მსოფლიო ჩემპიონატზე ართმევებში საუკეთესო გახდა.

„პსჟ-ს“ მცველმა მთელ ტურნირზე მეტოქეს ბურთი 27-ჯერ აართვა, მეორე ადგილზე ლუკა მოდრიჩი გავიდა 24 ართმევით, შემდეგ მოდიან მატეო კოვაჩიჩი, ჯუდ ბელინგემი და სოფიან ამრაბატი - 16 ართმევით.

უკანასკნელი ფეხბურთელი, რომელმაც ერთ მსოფლიო ჩემპიონატზე ჰაკიმიზე მეტი ართმევა განახორციელა, არგენტინელი ხავიერ მასკერანო იყო 2014 წლის მუნდიალზე (30 ართმევა).

ერთადერთი აფრიკელი კი, ვინც აშრაფზე უკეთესი შედეგი დააფიქსირა, 2002 წლის მუნდიალზე სენეგალელი ომარ დაფი იყო (33).