ასტონ ვილამ ნოტინგემი დაამარცხა და სატურნირო ცხრილში მეორე ადგილზე გადაინაცვლა

მატჩის ანგარიში პირველი ტაიმის კომპენსირებულ დროში გაიხსნა — თავი უოტკინსმა გამოიჩინა. მეორე ნახევრის სტარტზე, 49-ე წუთზე მაკგინმა სხვაობა ორამდე გაზარდა, რასაც გიბს-უაითმა 61-ე წუთზე უპასუხა. 73-ე წუთზე, მაკგინმა დუბლი გაიფორმა და საბოლოო ანგარიში, 3-1 დააფიქსირა.

გოლები: 1-0 უოტკინსი (45+1'), 2-0 მაკგინი (49'), 2-1 გიბს-უაითი (61'), 3-1 მაკგინი (73')

აღნიშნული გამარჯვების შემდეგ, ასტონ ვილას 42 ქულა აქვს და სატურნირო ცხრილში მეორე ადგილზე იმყოფება. მომდევნო ტურში უნაი ემერის გუნდი კრისტალ პალასს ესტუმრება.