ავსტრიის ნაკრების ექს-თავდამსხმელი მატარებელმა გაიტანა

ავსტრიის ნაკრების ყოფილი თავდამსხმელი გერხარდ როდაქსი მატარებელმა გაიტანა.

Kronen Zeitung-ის ინფორმაციით, ინციდენტი ოთხშაბათს დილით, ავსტრიული ქალაქის, ტრაისკირხენის მახლობლად მოხდა.

57 წლის როდაქსი საკუთარი ავტომობილით რკინიგზის გადაკვეთას ცდილობდა, რა დროსაც მატარებელმა დამუხრუჭება ვერ მოასწრო და 150 კმ/სთ სიჩქარით მანქანას შეეჯახა.

მიღებული დაზიანებების გამო ექს-ფეხბურთელის გადარჩენა ვერ მოხერხდა. მას მეუღლე და ორი შვილი დარჩა.