ბაიერნი ბელგიის ნაკრების თავდამსხმელით ინტერესდება

"რენის" თავდამსხმელმა, ჟერემი დოკუმ კარიერა შეიძლება გერმანიაში გააგრძელოს.

როგორც Transfermarkt იტყობინება, ბელგიის ნაკრების 19 წლის ფეხბურთელით "ბაიერნია" დაინტერესებული.

მოქმედი ხელშეკრულების ვადა ახალგაზრდა შემტევს ფრანგულ კლუბთან 2025 წელს ეწურება. მისი სატრანსფერო ფასი 22 მილიონ ევროს შეადგენს.

2020/21 წლების სეზონში დოკუმ ყველა ტურნირზე ერთად 44 მატჩი ჩაატარა, 4 გოლი გაიტანა და 8 შედეგიანი გადაცემა გააკეთა.

ევრო 2020-ზე ბელგიელი შემტევი მინდორზე ორჯერ მოგვევლინა და 1/4 ფინალში იტალიასთან (1:2) გამართულ მატჩში ასისტით გამოირჩა.