ბაიერნი გიორგი მამარდაშვილის ტრანსფერზე გააქტიურდა

მომდევნო კვირებში გიორგი მამარდაშვილის ტრანსფერის საკითხი აქტუალური გახდება. 23 წლის მეკარე ევრო 2024-ზე ბრწყინვალე იყო და ვალენსია აცნობიერებს, რომ მისი შენარჩუნება თითქმის შეუძლებელი იქნება.

"ღამურებმა" რაიო ვალიეკანოდან სტოლე დიმიტრიევსკი შეიძინეს, რადგან ქართველი ფეხბურთელის წასვლისთვის ემზადებიან, მაგრამ ეს არ ნიშნავს, რომ ისინი მამარდაშვილს მარტივად გაუშვებენ - ვალენსიას გიორგის სანაცვლოდ მინიმუმ €35-40 მილიონი სურს.

El Desmarque-ს ინფორმაციით, ბაიერნმა, რომელიც გასულ ზაფხულში მამარდაშვილის ყიდვასთან ახლოს იყო, ინტერესი კვლავ გამოიჩინა - მიუნხენელებმა ქართველის კონტრაქტის დეტალები და სახელფასო მოთხოვნები გამოიკითხეს.

გიორგი, სავარაუდოდ, "რეკორდმაისტერში" გადასვლაზე უარს არ იტყვის, მაგრამ მხოლოდ იმ შემთხვევაში, თუ სათამაშო დროის გარანტია ექნება. თუმცა, იმის ფონზე, რომ მანუელ ნოიერი ჯერ კიდევ გუნდშია, ნაკლებად მოსალოდნელია, ქართველმა რაიმე გარანტია მიიღოს, რაც შეთანხმებას გაართულებს.