ბაიერნი შემტევებს ეძებს - გერმანელთა სიაში 2 ფეხბურთელია

ფლორიან პლეტენბერგის ინფორმაციით, ბაიერნი მომავალ ზაფხულში კინგსლი კომანის, ლეროი სანესა და სერჟ გნაბრის გაყიდვას გეგმავს.

ამასთან, კლუბი იმედებს ბრაიან სარაგოსაზეც არ ამყარებს. მიუნხენელებმა ესპანელი მოთამაშე წლის დასაწყისში, გრანადადან შეიძინა, ზაფხულში კი ოსასუნაში გაანათხოვრა.

შესაბამისად, "რეკორდმაისტერმა" შეტევა უნდა გააძლიეროს. კლუბის სატრანსფერო სიაში 2 ფეხბურთელია - ნიკო უილიამსი და ჯეიმი ბაინო-გიტენსი.

გერმანელთა პრიოიტეტი დორტმუნდის თავდამსხმელია, რომელსაც ამ სეზონში ჩემპიონთა ლიგაზე 6 მატჩში 4 გოლი და 1 ასისტი მიითვალა. ყველა ტურნირზე ერთად, ინგლისელის ანგარიშზე 23 მატჩი, 9 გოლი და 4 საგოლე გადაცემაა.