ავტორიზაცია

ბაიერნის დომინაცია დასასრულს მიუახლოვდა - ბუნდესლიგაში ჩემპიონობის ბედი დორტმუნდის ხელში გადავიდა

ბაიერნის დომინაცია დასასრულს მიუახლოვდა - ბუნდესლიგაში ჩემპიონობის ბედი დორტმუნდის ხელში გადავიდა
თარიღი 20 მაი 2023, 23:06
ბუნდესლიგის 33-ე ტურში „ბაიერნი“ სენსაციურად საკუთარ კედლებში „ლაიპციგთან“ დამარცხდა.

შეხვედრა „ალიანც არენაზე“ გაიმართა და სტუმართა გამარჯვებით 3:1 დასრულდა.

ანგარიში 25-ე წუთზე სერჟ გნაბრიმ გახსნა, თუმცა ამის შემდეგ გოლებს მხოლოდ სტუმრები იტანდნენ - 65-ე წუთზე ლაიმერმა ანგარიში გაათანაბრა, 76-ზე ნკუნკუმ „ლაიპციგი“ პენალტით წინ გაიყვანა, 86-ზე კი კვლავ პენალით სობოსლაიმ მატჩის საბოლოო ანგარიში დააფიქსირა.

ამრიგად, „ბაიერნმა“ ჩემპიონატში მე-5 მარცხი იწვნია, რაც იმას ნიშნავს, რომ ჩემპიონობის ბედი „დორტმუნდის“ ხელში გადავიდა.

ამჟამად „ბორუსია“ „ბაიერნს“ 1 ქულით ჩამორჩება, თუმცა ჩემპიონატში კიდევ ორი მატჩი აქვს ჩასატარებელი, მიუნხენელებს კი მხოლოდ ერთი.

თუ ხვალ „ფუტკრები“ სტუმრად „აუგსბურგს“ მოუგებენ, 27 მაისს კი „სიგნალ იდუნა პარკზე“ – „მაინცს“, „ბაიერნის“ ათწლიანი დომინაცია ბუნდესლიგაში ოფიციალურად დასრულდება. თავის მხრივ, ტუხელის გუნდი ბოლო ტურში „კიოლნს“ ესტუმრება.