ბაიერნის ექს-მცველმა შტუტგარტთან კონტრაქტი გაახანგრძლივა

"შტუტგარტის" მცველმა, ჰოლგერ ბადშტუბერმა კლუბთან კონტრაქტი გაახანგრძლივა.

როგორც "შტუტგარტის" ოფიციალური საიტი იუწყება, 29 წლის ფეხბურთელთან გაფორმებული ახალი ხელშეკრულება 2021 წლამდე იმოქმედებს.

ამ ზაფხულს გამოცდილ უკანახაზელს წინა ხელშეკრულების ვადა ამოეწურა.

ბადშტუბერი "შტუტგარტში" გასულ წელს "ბაიერნიდან" გადავიდა. გუნდის რიგებში მან 2017/18 წლების სეზონში 31 მატჩი ჩაატარა და 1 გოლი გაიტანა. მისი დამატებით "ლაციო" ინტერესდებოდა.