ბაიერნის გოლკიპერი შესაძლოა იჯარით უნიონში გადავიდეს

"ბაიერნის" გოლკიპერი, ალექსანდრ ნიუბელი იჯარით შეიძლება სხვა კლუბში გადავიდეს, წერს Bild.

მიუნხენური გრანდის 24 წლის მეკარით "უნიონია" დაინტერესებული.

როგორც აღინიშნება, ბერლინურმა კლუბმა ნიუბელის 2-წლიან არენდაზე მოლაპარაკებები უკვე დაიწყო.

მოგეხსენებათ, ნიუბელი "ბაიერნის" ფეხბურთელი 2020 წლის 1 ივლისს გახდა, კლუბს იგი თავისუფალი აგენტის სტატუსით შეუერთდა.

მიმდინარე სეზონში "რეკორდმაისტერის" კიპერმა მხოლოდ სამ მატჩში მიიღო მონაწილეობა.