ავტორიზაცია
ბაიერნმა ახალგაზრდა შემტევი ისევ იჯარით გაუშვა
„ბაიერნის“ ახალგაზრდა შემტევი, ჰოლანდიელი ჯოშუა ზირკზი კარიერას იჯარით ბელგიურ „ანდერლეხტში“ გააგრძელებს.
კლუბებს შორის საბოლოო შეთანხმება დღეს შედგა - ზირკზი „ანდერლეხტს“ 2022 წლის ივნისამდე იჯარით შეუერთდება.
იჯარის ამოწურვის შემდეგ ბელგიელებს ფეხბურთელის გამოსყიდვის უფლება არ ექნებათ, შესაბამისად ზირკზის „ალიანც არენაზე“ დაბრუნება გარანტირებული აქვს.
გასული სეზონი ნიდერლანდელმა ასევე იჯარით იტალიურ „პარმაში“ გაატარა, რომელიც სეზონის შედეგად სერია ა-დან ქვედა დივიზიონში გავარდა.
