ბაკარი სანიამ არსენალის საუკეთესო ფეხბურთელი დაასახელა

ყოფილმა ფრანგმა ფეხბურთელმა, ბაკარი სანიამ Coin Poker-თან საუბრისას არსენალის საუკეთესო ფეხბურთელი დაასახელა.

ვფიქრობ, დეკლანი არსენალისთვის, როგორც მოედანზე, ისე მის მიღმა, მნიშვნელოვანი ფიგურა იყო. მოხარული ვარ, რომ "მეთოფეებმა" ის შეიძინეს. რაისი ლიდერია და გამარჯვებულის მენტალიტეტი აქვს - იგი თანაგუნდელებისთვის თამასას მაღლა წევს და ყველას ავითარებს.

სადებიუტო სეზონში დეკლანის როლი საგრძნობი იყო. ის დიდი მატჩების მოთამაშეა. ინგლისელის ხასიათი, მენტორობის უნარი და ინტენსიურობა მომწონს. რაისი თავის სატრანსფერო ფასს კარგად გაუმკლავდა," - განაცხადა სანიამ.

არსენალმა გასული ზაფხულის სატრანსფერო ფანჯარაზე რაისი ვესტ ჰემიდან £100 მილიონად შეიძინა. ამან ხალხში ბევრი მითქმა-მოთქმა გამოიწვია, მაგრამ 25 წლის ფეხბურთელმა თავი სწრაფად გამოიჩინა და პრემიერ ლიგის ერთ-ერთი საუკეთესო ნახევარმცველი გახდა.

რაც შეეხება სანიას: ის არსენალში 2007-2014 წლებში თამაშობდა. ფრანგმა ლონდონელთა რიგებში 284 მატჩი ჩაატარა, 5 გოლი გაიტანა და 24 ასისტი მიითვალა. ბოლო სეზონში მან გუნდთან ერთად ინგლისის ასოციაციის თასი მოიგო.