ბარსელონა 2025 წელს ფლორიან ვირტცის შეძენას გეგმავს

Mundo Deportivo-ს ინფორმაციით, ბარსელონა ფლორიან ვირტცით ინტერესდება და იმედოვნებს, რომ 2025 წელს მას გაიფორმებს.

კატალონიურს კლუბს სჯერა, რომ გერმანელი ნახევარმცველი წელს ლევერკუზენში დარჩება, მაგრამ ფიქრობს, რომ შემდეგი სეზონის ბოლოს გუნდს დატოვებს. მისთვის ბრძოლაში ბარსას კონკურენციას ბაიერნი, მანჩესტერ სიტი და მადრიდის რეალი გაუწევენ.

"ბლაუგრანა" იმედოვნებს, რომ კლუბს მომდევნო წელს გერმანელის შესაძენად საკმარისი (100 მილიონი ევრო) თანხა ექნება. ხელმძღვანელობა გეგმავს, რომ 2025 წლის ზაფხულისთვის ფინანსური მდგომარეობა გამოასწოროს და ხმაურიანი ტრანსფერი განახორციელოს.

ბარსელონას სპორტული დირექტორი, დეკუ ვირტცს 2020 წლის შემდეგ აკვირდება, ვინაიდან, პორტუგალიელი ლეგენდა მისი აგენტი იყო. დეკუს გერმანელი ძალიან მოსწონს და ტრანსფერზე იმუშავებს, რაშიც ლევერკუზენის ბოსებთან კარგ ურთიერთობასაც გამოიყენებს.

ვირტცი ბავშვობიდან ბარსას ფანია და იმედი აქვს, რომ როცა 21 წლის ფეხბურთელი ლევერკუზენს დატოვებს, ეს მომავალი კლუბის არჩევის დროს გადამწყვეტი ფაქტორი იქნება.