ავტორიზაცია
ბარსელონა 50 მილიონ ევროდ შეფასებულ ცენტრალურ მცველში გაცილებით ნაკლებ თანხას იხდის
"ბილბაოს" ცენტრალურმა მცველმა, ინიგო მარტინესმა კარიერა შესაძლოა "ბარსელონაში" გააგრძელოს, იტყობინება Diario Sport-ი.
გავრცელებული ინფორმაციით, კატალონიური გრანდი 31 წლის ესპანელ უკანახაზელში ბასკებს 15 მილიონ ევროსა და ბონუსებს შესთავაზებს.
როგორც აქამდე დაიწერა, "ბილბაოს" მარტინესის სანაცვლოდ მინიმუმ 50 მილიონის მიღება უნდა. მისი კონტრაქტი 2023 წლის 30 ივნისამდეა გათვლილი.
აღსანიშნავია, რომ გასულ სეზონში ინიგომ ყველა ტურნირზე ერთად 33 მატჩში მიიღო მონაწილეობა და 3 გოლი გაიტანა.
მარტინესი "ბილბაოს" ღირსებას 2018 წლის იანვრიდან იცავს, გუნდს იგი "სოსიედადიდან" 32 მილიონად შეუერთდა.
