ბარსელონა დარწმუნებულია, რომ ლა ლიგის 2 კლუბი მათ წინააღმდეგ მოქმედებს

Nike-თან მეგაკონტრაქტის გაფორმებამდე, ბარსელონა ლა ლიგას შეუთანხმდა, რომ კლუბი 1:1 წესს (უფლება, რომ დახარჯო იმდენივე, რამდენსაც შოულობ) დაუბრუნდებოდა, რაც დანი ოლმოს პერმანენტულად დასარეგისტრირებლად იყო საჭირო.

მიუხედავად ამისა, მოულოდნელად, ლა ლიგამ თავის ნათქვამს გადაუხვია და განაცხადა, რომ Nike-სგან მიღებული თანხა კლუბის ფინანსური მდგომარეობის გამოსასწორებლად საკმარისი არაა.

კატალონიის რადიოს ინფორმაციით, ბარსელონა დარწმუნებულია, რომ ამაში ორი კლუბის ხელი ურევია - ბარსაში ფიქრობენ, რომ ლა ლიგაზე ზეწოლა ატლეტიკომ და ბილბაომ მოახდინეს.

შესაბამისად, ბარსამ ახალი, ინოვაციური მეთოდი უნდა მოიფიქროს, რომ 1:1 წესი დააკმაყოფილოს და დანი ოლმო დაარეგისტრიროს. წინააღმდეგ შემთხვევაში, 2025 წლის იანვრიდან ესპანელ ფეხბურთელს თამაშის უფლება არ ექნება.