ბარსელონა ჯეიდენ ფილოგენით ინტერესდება

Jijantes-ის ინფორმაციით, ინგლისელი ტალანტი, ჯეიდენ ფილოგენი ბარსელონას რადარზეა. ფეხბურთელის აგენტები 2 კვირის წინ კლუბის ხელმძღვანელობას შეხვდნენ.

წყაროს ცნობით, კატალონიური გრანდი ფილოგენის იჯარით აყვანას (გამოსყიდვის უფლებით) გეგმავს, თუმცა ჯერ ოფიციალური შეთავაზება არ გაუკეთებია. ბარსას კონკურენციის გაწევა პრემიერ ლიგის კლუბებთან მოუწევს.

ფილეგონი ასტონ ვილას აღზრდილია. მას იჯარით სტოკ სიტისა და კარდიფშიც უთამაშია, 2023 წლიდან კი ჰალ სიტის წევრია. ჯეიდენი ამპლუით მარცხენა გარემარბია, მაგრამ თამაში მარჯვნივაც შეუძლია. 22 წლის შემტევს Transfermarkt-ი 15 მილიონ ევროდ აფასებს.

აღსანიშნავია, რომ ამ პოზიციაზე ბარსელონას პრიორიტეტი ნიკო უილიამსია. "ბლაუგრანა" ფილოგენს მის ალტერნატივად განიხილავს.